هام للي داخل اعدادي

بالنسبة الادوات المطلوبة في الرسم الهندسي


1- مسطرة حرف T طولها 80 سم, لو حابب تجيب اطول جيب بس ملهاش لازم و حتضايقك وانت بترسم... فـ 80 سم افضل طول..

2- مثلثات: مثلث 30 - 60
مثلث 45 درجة
مثلث ارسطو ( ده مش مطلوب بس بيسهل عليك شغلك جداااا و بينجزلك )

3- البراجل: من الاخر ملهاش لازمه كلها الا يادوب برجل طويل و برجل قصير, وبالنسبة للقصير ياريت يكون فيه زي " ترس " بيتحكم في المسافة بين رجلين البرجل عشان تعرف ترسم دواير صغيرة بدقة... ( مهمه جدا المحلوظة دي.. ها ؟ ماشي ؟ )

4- شنطة للرسومات: واضح من اسمها, بتكون زي شنطه بلاستيك كبيرة اوي و عرضها صغير و ممكن تكون قماش مبطن بحاجة زي الورق المقوى..
او بدال شنطة الرسومات ممكن تجيب انبوبة (رول)

5- اقلام:
قلم 5.
قلم 7. وده مهم جدا جدا
لو انت لعيب و دايس هات كمان قلم 35.

6- سنون
هات في الاول سنون H لاقلام كلها
وكمان بسنون HB و 2b

7- استيكة طبعا.. كمان لاصق..


8-فرانش كرف

9-مسطرة دواير
10-مسطر اسكيل
11-بوردةوبالنسبة لنوع الادواتrotring
------------------------------
يعني ونا قولت الي عرفتة والي عندة حاجة كمان يقول

وكتر ولزق

طبعا اهم حاجة عند طالب اعدادى هندسة هي ....

المسطرة T هي اكبر دليل على دخولك كلية الهندسة

و كمان لوحة الرسم و البرجل المحترم و كام مثلث على كام قلم على شوية رفايع و تحابيش

اولا المسطرة العملاقة حرف تي






هى نوعين :

بلاستيك شفافة و دى مفيدة جدا عشان انت تقدر تشوف الخطوط المرسومة تحت المسطرة بسهولة من غير ما تشيل المسطرة كل شوية.

خشب شكلها فخم ومناسبة للمحترفين و اللى ناوين يحترفوا الرسم الهندسي

كمان ممكن تختارها ثابتة أو متحركة ( يعني راس المسطرة بيتفك و يتركب عشان سهولة حملها و المحافظة عليها)

ثانيا البرجل

ممكن تختار طقم براجل مكون من 3 او 4 براجل وده لو انت ناوي تكمل في مشوار الرسم كتير ( لو ناوى تدخل قسم مدنى أو عمارة)



او تختار برجل واحد يكون فيه امكانيات كبيرة زى:

تحكم دقيق في فتحه و قفله ( بكرة باعلى البرجل للتحكم في الفتح والقفل)

ذراع تطويل للبرجل لامكانية رسم دوائر كبيرة تصل الى 34 سم لنصف القطر ( طوالة)

وزن البرجل يساهم فى القدرة على رسم الدوائر بثقة اكبر ( كلما كان وزن البرجل اكبر كلما زادت دقة الرسم)

بعض البراجل بها خاصية هامة جدا و هي امكانية ثنى رجل البرجل ليكون سن الرسم و سن التثبيت عامودى على لوحة الرسم و بذلك نحافظ على اللوحة بحيث لا يتسع الثقب الناتج عن تثبيت البرجل في اللوحة و كذلك عندما يكون سن الرسم قائم الزاوية على اللوحة كلما كانت دقة و سهولة رسم الدائرة اكبر و هذه الخاصية مفيدة جدا في حالة الدوائر الكبيرة.



بعض البراجل بها وصلة لتثبيت قلم بالبرجل وذلك يعطي سهولة في الرسم ( يمكن استعمال قلم 0.5مللى بدلا من سن البرجل 2.00مللى وذلك يعطى خطوط ثابتة و هذه الفكرة مناسبة للمبتدئين ولكن على محترفي الرسم التعود على الرسم بالسن العادى للبرجل)

يوجد براية صغيرة جدا لبري سن البرجل و جعل السن دائما مدبب

كذلك يوجد سنفرة لجعل سن البرجل مشطوف لرسم بدقة اكبر

يوجد معظم قطع غيار البراجل ( صامولة - سن معدن - وصلة تحبير - طوالة )

ثالثا المثلثات

تستخدم المسطرة T لرسم الخطوط الافقية على لوحة الرسم

وللخطوط الرأسية يستخدم مثلث قائم الزاوية لعمل خطوط عامودية على الخطوط الرأسية ، يوجد نوعين من هذه المثلثات : 30-60 اي زاوية قائمة 90درجة و زاويتان 30و 60 درجة

45 درجة أى زاوية قائمة 90درجة و زاويتان 45درجة لكل منهما.

وبذلك يمكن لنا رسم أعمدة قائمة على الخطوط الأفقية وكذلك خطوط بزوايا 30 و45 و60درجة و مضاعفاتهم.

هناك مثلث عبقري اسمه مثلث ارسطو ستتعلم فوائده و مزاياه العديدة أكيد.